Adeste Fideles
(John Francis Wade, s. XVIII)

I

Adeste fideles,
laeti triumphantes;
venite, venite in Bethlehem;
natum videte regem angelorum.
venite, adoremus Dominum.

II

Deum de Deo,
lumen ad lumine,
gestant puellae viscera,
Deum verum, genitum non factum.
venite, adoremus Dominum.

III

en grege relicto,
humiles ad cunas,
vocati pastores appropiant.
et nos ovanti gradu festinemus,
venite, adoremus Dominum.

IV

stella duce, Magi
Christum adorantes,
aurum, thus, et myrrham dant munera.
Jesu infanti corda praebeamus:
venite, adoremus Dominum.

V

aeterni Parentis
splendorem aeternum
velatum sub carne videbimus,
Deum infantem,
pannis involutem,
venite, adoremus Dominum.

VI

pro nobis egenum
et foeno cubantem
piis foveamus amplexibus;
sic nos amantem quis non redamaret?
venite, adoremus Dominum.

VII

cantet nunc 'Io'
chorus angelorum;
cantet nunc aula caelestium,
Gloria in excelsis Deo.
venite, adoremus Dominum.

VIII

ergo qui natus
die hodierna.
Jesu, tibi sit gloria,
Patris aeterni Verbum caro factum.
Venite, adoremus Dominum.